Siapa’ laikung pan

Khazih sungah kong it pawlpi mite Kumthak thupha ci-in kong hopih masa hi. Mimal kim tung le innkuan kim tungah Topa kiangpan hong pai nopna thupha om ta hen. Amen

2021 sungah Topa in hong zawh pihna hangin Topa tung lungdam I ko hi. 2022 Kum sungah zong Topa in ama maipha tawh hong tuamin hong makaih ding cih lam-en I hih manin I lungmuang mahmah hi.

Agape Digest hawm nihna zong Topa’ makaihna tawh hawmkhia zo kik I hih manin lungdam iko hi. Hih Agape Digest sungah a ki-at thute manpha-in, I mimal a dingin le pawlpi a dingin khantohna hong pia ding cih zong um ka hihmanin, mimal kim in I sim tangtang ding zong kihantawn phapha hang. Hih Agape Digest tawh kisai hong sepsak khempueh tungah lungdamna i ko nuam hi.

A tawpna ah ka gen nop in laisim mite khangto hi. Laisim mite guallel lo hi. Laisim mite mipil suak hi. Laisim mite gualzo uh hi. Laisim mite kuamah in simmawh ngam lo hi. Laisim mite kuamah in neu-et ngei lo hi. Laisim hanciam tek ni. Lungdam.

Rev. Gin Sawm Thang
Pawlpikem sia
Zomi Agape Pawlpi