Ei Le Ei Kitheihna – 4

(Laisiangtho sinna)

Rev. Gin Sawm Thang

• Pasian’ muhna ah nang pen
• A manpha na hihna
• A thupi na hihna
• A mahin nang hong kisam, nanglo in nasem lo
• Nang pen hong it mahmah na hihna na theih sa hi.
• Satan in nang pen
• Hong muhdah hi.
• Hong suk siatnop nate zong ithei khin hi.
• A hi zongin…..
• Pasian Kammal zuihnatawh gualzo ding
• Kamciam hong piaknate thei khinta,
• A ban ah, bang ci nuntak ding (or) bang sem ding

1. Pasian Na sak na ding/ Heh na dingin om ken

➢A masa pen zuih ding thu in Pasian heh’nangin om lo ding ( a hangin Amah in hongit mahmah hi)

➢Lam khat pan gen leng…. A omlai I nuntakna siangtho sak ding cih hi.( Na mailam)

➢Ni khat niteh a mah tawh ki mu ding, Topa a bang ding te I hihi. ( Thuman in Pasian deihna bangin nunta ding cih lungsim khensat na nei den ding)

➢Mawhna I bawl khak teh mawhna thaman ki thuak kha hi.

➢Tua bang mawhna thaman I thuak pen Pasian in zong hong thuak pih hi. ( A mah a lungdam peuhmah lo hi) “Khrih a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.” 1 JOHAN MASA 3:3 TDB

➢Pasian mu a, Pasian tawh ki bang nuam te in siangtho nuntakna nei ding.

1Jn. 5:1-3: 1 Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi. 2 Pasian itin ama thupiakte i zuihna tawh Pasian tate a it ihihlam i kithei ding hi. 3 Pasian i it ciangin ama thupiakte a zui ihi hi. Eite a dingin ama thupiakte zuih ding a haksa lua hi lo hi.

➢Pasian’ lungsim nasak ken, Ama thu mangin.

 2. Nang lam pan zong Pasian it kik in.

➢Hong it mikhat it lo cih pen hi thei lo

➢Pasian in nang hong it ahih manin Amah it kik in 1Jn. 4:19-21

19Pasian in eite hong it masa ahih manin eite in itna i nei thei hi. 20Mi khatpeuh in, “Pasian ka it hi,” ci napi-in a Khristian mipihte a muhdah le a zuaupi a gen ahi hi. Bang hang hiam cih leh a muhtheih a Khristian mipih a it lo mi in a muhtheih loh Pasian it thei lo ding hi. 21Khrih in eite tungah hong thupiakna in: Pasian a it mi in a Khristian mipihte zong it ding hi, cihna ahi hi.

3.  Nang le nang zong ki-it in.

➢Pasian in nang hong it ahih leh, nang le nang zong na ki-it ding ahi hi. ( Nang leh nang zong ki hansuah, tha kipia in.)

➢Amah le amah a ki mudah mite, Zu,Za,Guih theih khamtheih, Pasian kammal sim ngei lo, lungngai ngei lo, kam tam mahmah-thungen zo lo)

➢Kum sawt nuntak theihna ding a tuamtuam zang lo ding,

➢Gualzawh na dingin,Pasian kammalte lungngai ding, thungen ding, thei na pi’cin na sep kei leh nang le nang ki-it ki ci theilo hi.

4.  Mi dangte zong it in.

➢Nang leh nang na ki-it theih leh, midang na it thei pan ding hi. Matt.22:39

Nangma pumpi na it bangin na vengte na it in, cihna ahi hi.

➢Paunak( Ama van it lo mi-in mi dang van itsak lo)

➢Pasian ta man na hih leh na Pa na sun ding hi.

➢PA in leitung buppi it hi. 1Jn.4:7-8

7Ka it lawmte aw, Pasian pen itna hong piankhiatna bulpi ahih manin eite khatlekhat ki-it ni. Itna a nei mi peuhmah, Pasian’ tate hi a, Pasian a thei uh hi. 8Pasian pen ki-itna ahih manin itna a nei lo mite in Pasian thei lo uh hi.

➢Pasian ta taktak na hihna a kilatna dingin midangte tung itna nei in.

 5. Khat veivei bek cih hi lo in a tawntung in IT in

➢It pen na nuntakpih hi sak in. 1Jn.4:16

16Tua hi a, Pasian in eite a hong itna thu, eite mahmah in thei-in i um hi. Pasian pen ki-itna hi a, itna a nei mite pen Pasian tawh omkhawm uh a, Pasian zong amaute tawh a omkhawm hi.

Loading…

6. Na itna lak khia in, gah khia sak in.

➢Pasian it hong itna pen, piakkhiatna tawh hong lak ( John.3:16)

1Jn.3:11,18

11A kipat cil a kipanin na zak tawntung uh thu pen khatlekhat i ki-it nading thu ahi hi.

18Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

• Zeisu mahmah in nungzui khat bangin piakkhiatna kisin hi.

1Jn.3:16-17

16Itna i cih bangci theih ding ihi hiam cih leh: Khrih in eite a dingin a nuntakna hong pia hi. Ei zong i Khristian mipihte a dingin i nuntakna i piak ngam ding ahi hi. 17Mi khat hau mahmah hen la, a Khristian mipih a cimawhte mu napi-in huhna bangmah pianuam hetkei leh, bang hangin amah in Pasian ka it hi, ci thei ding ahi hiam?

➢Pa Pasian in itna pen piakkhitana tawh hong lak

➢En zong a hoih pen pia ni

➢It na khut te sau pipi zan ni, a tang zai theithei in sem ni

➢Mi tung itna nei aa, itna tawh a pia khiat te mah ki pia kik ding hi.

• Tua hi leh eite PA lungdam mahmah ding hi.