Pasian in bang sem thei hiam?. Thukhat ah kidong kik leng, Pasian in a sep zawh loh a om hiam? Hih bang dotnate na ngaihsun ngei hiam?

Mihingte pen buaina le thu khat peuhpeuh tawh thu dang ngaihsun man nawnlo-in buai cip thei hi. Banghang hiam cih leh, mihingte pen buaina tawh nai om lua ahih manin, tua buianate pen Pasian sangin a gol zaw dingin ngaihsun kha uh hi. Hihte in Pasian’ mai imuh ding hong liah uh hi. Buianate in i nuntakna hong zawh luat ciangin, i muhna i khensatnate man thei nawn lo hi. Eite in tua buainate tungah i lungsim i piak semsem ciangin, i nuntakna ah Pasian hong kihelna tawm semsem hi. Tua bang hun ciangin, Pasian’ omlam nanawng,  kimangngilh kha thei hi.

Hih dan buainate i tuah khak hun ciangin, Pasian in semthei lua ahih lam kician takin Nungzui Pual in hong gen lam phawk in. Pual in “Eite a dingin na a hong sepsak, eite’ ngetzah val, le i ngaihsut zawh loh zah dongin a vangliatna tawh tampi tak a hong hihsak thei”, na ci hi. (EFESA 3:20 TDB)

Hih kammal pen mantakin i zat theihna dingin hoihtakin i tel masak kul hi. Paul in “Pasian in na khempeuh hih thei hi”, cihin anuai aa bangin gen hi. Pasian’ sep theihte in:

Ka ngette

Ka nget khempeuh

Ka nget sangin a tamzaw

Ka nget sangin genzawh loha a tamzaw

Ka ngaihsutte

Ka ngaihsut khempeuh

Ka ngaihsut sangin a hoih zaw pekte

Ka ngaihsut zawhloh khempeuh

Hihteng khempeuh in tuni ka tuak buaina khempeuh sangin kicing zaw hi.

Hih ciang tawh khawl nai lo hi. Paul in Pasian in na khempeuh koi ci bangin a hih theih lam hong lak hi. Eite adingin Jesuh a tho sak kik Pa Pasian ii vangliatna pen Hebrew 7:16 ah hong gen hi.

A tunga thu pen ngaihsun kha ngei dingin hong um ing. A thu-in  a thangah huai mahmah hangin, tu-a ka tuah thu tawh bang kisai-in bangci bangin zang thei ding, cih thei lo kha mai ding hi teh.  Hi mah hi. Hih danin ngaihsun khawm ni. Jesuh pen Pa Pasian in sihna pan tho sak zo ahi leh, tua vangliatna pen eite tuahkhak buainate a zawhna dingin a kisam pen hi, ci-in na pulak ngam diam? Ke’n ka gen ngam hi. Nang e leh? Hih leitung vantung a nei pa Pasian in ama ii vangliatna pen nang ii nuntakna ah zat dingin a baihsa-in om a hih lam, eite in i sang zo diam cih, ka gennop pi pen ahi hi.

Pasian ii vangliatna pen ngaihsutna bek tawh hilo-in leitung, leitung pua nate, aksi le vangtung leinuaibup ading zong ahi hi. Pasian ii a kimu thei lo vangliatna tawh kipiangsak thei cih bek hilo-in, Topa ii vang tawh leitung bup a piangsak lam i mu i thei tek hi. Pasian in a tate’ nuntakna sungah zong nasem ahih lam i mu thei hi. Hi mah hi. Tua manin Pasian ii vangliatna in eite sungah omin, tua vangliatna tawh na a sep lam eite sung mahah kilangh hi. Eite lam pan sep dingte in:

• Pasian ii sepna ah eite lam pan zong seppih ding
• Pasian ii lamlahziate sang thei ding
• Pasian piansaknopte i nuntakna ah a sepna ding phal ding
• Eite ii silesa deihnate paikhia ding

Hihte hangin Pasian ii vangliatna in eite ii nuntakna ah hong luangin, eite tha tawh izawh loh, sep zawh lohte hong gualzawhpih ding hi.

Tua ahih manin, na phutkhak buainate khempeuh pen Paul in “Pasian in ….i ngaihsut zawh loh zah dongin a vangliatna tawh tampi tak a hong hihsak thei” cih kammal tungtawnin, eite nuntakna ah bangbang thu buaina a hi phial zong, Pasian adingin lian lua haksa lua cih a om thei mah diam, ci-in thu lehdong kik nuam phial ing.