1. Laisiangtho a kigelh cilin kampau nam thum tawh kigelh: Hebru, Grik leh Aramaic. LST lui a tamzaw pen Hebru lai tawh kigelhin Ezra le Daniel pen Aramaic tawh kigelh hi. LST thak buppi pen Grik lai-in kigelh hi.
2. LST bubup a kigelh cilna laite ah kammal kizang vekpi pen 611000 pha hi. Zolai LST ah bel a phazah lian a tuam khat hi ding hi.
3. LST sung buppi ah tu hun a i khenna tawh kizui-in a saupen laibu pen Jeremiah bu ahi hi. Kumpite laibu nihte gawm lehang bel tua hong sauzaw kha ding hi. Tanglai hun dan a khen hi leuleu lehang Thukhambu (Piancil pan Thuhilhkikna) saupen kha ding hi.
4. LST sung a laibu a tompen in Johan 3 thumna ahi hi. Sim lehang minit khat sungin kizo hi. A tom nihna pen  nihna ahi hi.
5. LST bu masa pen mi 40 val in gelh hi.
6. LST gelhte pen lokhomi, ngabeng, buklam, kamsang, siavuan, laisiam, muzik siam, pawlpi kemsia  le a tuamtuam.
7. Judaism te OT gualh dan le ei gualhdan kibanglo hi. Judaism te LST lui gualhna ah khangtangthu tawh tawpsak uh hi.
8. LST sung ah la dawng 185 kihel hi.
9. LST bu pawlkhatte a gelh kitheilo hi. Gentehna Joshua pan Kumpite bu dong, Esther, Job, le Hebru.
10. LST bu buppi pen Asia, Africa le Europe kontinent thum pan a kigelh ahi hi.
11. LST sung ah Tothum Pasian khat cih Trinity kammal kimulo hi. Ahi zongin LST tangkhat sung bekbek ah Pa, Tapa Jesuh, le Khasiangthote a thum a hong gen khawmin Pasian khat a hihna kician tak a hong lak LST tang mun 20 val bang om hi.
12. LST in mang 21 bang hoih takin na ciamteh hi.
13. James laibu pen LST buppi-ah sawlna a tam penpen laibu hi.
14. LST buppi ah a lian 1189 om in,  alui ah 929 le a thak ah 260 om hi.
15. A lian khat bup a sau pen Late 119 hi a, A lian khat bup a tom pen Late 117 hi.
16. Kum tam a nungta pen 969 nungta hi.
17. Enoch le Elijah te in pumpi sihna thuak kha lo uh hi.
18. “Khristian” cih kammal LST thak sung ah 3 vei bebek kimu hi.
19. Kumsim in LST bu million 100 valta kizuakkhia/kikhawng hi.
20. LST bu buppi pen kampau 683 in kiletkhia khin hi.
21. LST bu English kam a teikhia masa pen John Wycliffe hi.
22. Hebru lai a “Adam” cih kammal pen “Adamah” pan hong pai hi aa, a khiatna in “leitang/leivui” cihna hi.
23. LST bu tam a kibawlkhiatna gam pen China hi.
24. Leitung ah laibu a kinakguk penpen LST bu hi.
25. LST buppi khenpi nga in kikhen: taang thubute (historical books), lakam bute (the books of poetry), kamsangbu (prophets), laikhak (epistles), le lungdamna thubu (gospels).
26. LST lui bu pen Judaism, Christian le Islam biakna thum te in zangkhawm uh hi.
27. Manglai a LST thak a hawmkhia masa pen William Tyndale hi.
28. LST buppi in kamsanna 6000 val bang nei hi.
29. LST buppi ii a khupna laimal pen “Amen” a hihi.
30. 1631 kum a kihawmkhia LST bu pawlkhatte pen Mawhneite Laisiangtho (Sinners’ Bible) kici hi. Banghang hiam cih leh “Nu le pa mawhna na bawl in” cih kammal kikhialhna hang ahi hi. Tu dong mah a kem om lai tuak hi.
31. LST sunga ganhing pau 2: Eve a khem gulpi (Piancil 3:13) le Balaam in a sat cianga a pau  sakol (Gamlakvakna 22:28).
32. Min suapen Mahershalalhashbaz (Isaiah 8:3)

A kaikhawm: Sia Langh Sian Mung.

(Sia Mung pen Kawlgam pan LST Master kah a hong pai hi in, tu laitak Houston, Texas a Zomi Baptist Church ah pawlpi kemsia a sepkawm laitak hi.)