Endikpawl

Tutung kikup ding ka ngaihsut uh ciangin, Zolai ah i muh mengmeng loh, Kawlte’n Kabia ci-in, Mikang kamin Poem a cih lai nam khat kong tel uh hi. Hun khat lai-in Mikang poem, Kawl kabiate ciingin a atte Siamsin Magazine ahi Ciimnuai Magazine-te ah hong suaksak zel uh hi. Zola cih dingin la danin kisa thei lo hi. Ei i Zolate pen la in kisa thei hi. Tua manin la-in a kisak theih loh hangin zo lakam malte a kihel theizah helin, kammal a thuk theithei le laimal/kammal a tawm thei pen tawh a thu a zai pen a ki-at a hih manin tu tadihin ei pau-in “Lakam” mah cih phot mai ni.

Hih Lakam ah lakam mal khat zong kihel lo hi. Ahi zongin Kawllai, Mikang lai pan a kabia/poemte ciing a ki-at hi-in, tuate tawh tehkak lenglah, lakam mal khat zong a kihel lo hangin lakam (Kabia/poem) mah hi veve ding dan hi. Lakam ahih hangin, genbeh kul loin kitel thei pah ding hi.

KHAN KILAMDANG, PIAN KILAMDANG

Rev ST Hau Go (1972)

Bang I ci gamtat diam?

A lui khempeuh I pai ta diam?

A thak khempeuh I pompah diam?

A lui khempeuh sia kim lo a,

A thak khempeuh hoih kim lo hi.

A lui lakah a pha om a,

A thak lakah a sia om hi.

A lui lakah a sia om a,

A thak lakah a pha om hi.

Tua hi-a ei ngaihsut siam leeng,

A lui lakah a pha keem in,

A thak lakah a pha keem in,

A thak lakah a sia nawlh leeng,

A lui lakah a sia pai in,

A thak lakah a sia teng leeng,

Huihpi mut bang sukhoi tohoi,

Lungam liangin kihoi doidoi cih om loin

I pai nang lam, Khunsa suak hi,

Lungmang kei in.

A hoih nak leh pomin, len in,

A lui a thak ci tuan kei in,

A hoih cih pen zui nuam peuh leeng,

A theilo kuamah om lo hi.

((Zolai Sinna 2010 by ZAUS pan kila hi.))