Grik mipil Aristotle in “Man is by nature a social animal (Mihing pen, leitung ngeina bangin, tual (society/ community) tawh a nungta gan- hing khat hi.),” na ci hi. A kician zaw deuhin gen leng, mihingte pen kiim- le-paam tawh a kinungta hi-in, kua mah amah guak/kia nungta thei lo hi. Tua manin khat le khat i kizop kul a, i sepkhop kul bek loin, i kiim i paam zong i awlmawh zek kul hi.

Eite pen Khris pumpi ii vante ihih mah bangin Khris pumpi adingin na hoih a sem khawm dingte ihi hi. Leitung’ khuavakte zong ihi a, leitung a zo dingte ihi hi. Leitungziate kideepsak loin, Pasian’ zia tawh kiimlepaam a zo (influence) dingte ihi hi. Siatna le ngongtatna, thumaan lohna tawh a kidim tu hun i leitung ah thu- maan thutak, le kilem daihna a om nadingin a sem dingte hihang. Matthai 5: 9 “Kilem nading deihin a hanciam mite in Pasian’ tate cihna ngah ding uh ahih maninm thupha ngah mi ahi uh hi” na ci hi. I khua i tui ah thumaanna a ultung nading a hamciam dingte zong ihi hi. Jerimiah 29:7 “7Note salin kong koihna khuapi’ phattuamna ding bawl unla, tua khuapi a dingin Topa’ tungah thu ngetsak un. Bang hang hiam cih leh tua khuapi in phattuamna ngah leh no zong phattuamna a ngah mah na hi uh hi” na ci hi.

Ei bek ading thumaan deih hi loin, mi khempeuh in thumaan thutak (Je- suh hong gupkhiatna thu) thei masa-in, Thumaan (Justice) a ngah theihna ding le thumaan lohnate (Injustices) a bei siang nadingin thungetna pan ki- pan gammi hihna tawh kingah suakta taka genkhiat pulak theihna, lungpho theihna, mee khiat theihnate a kipan, gamthu politik lam ah kihelna dongah a kisam bangin i talente zangin Pasian hong koihna mun ciat pan sem ciat ni.

Endik Pawl