ZOMITE’ MIN  le A KHIATNA

(A kaikhawm Pa Tsian Pum (Endikpi))

 

A…..

Ai ; Aihna, Galaih sa-aihna.

Al ; Zel kawikawi, Tawk  (Ahikeileh) Tuak kawikawi,

Am ; Iplah, khiallah, cih bangte hi. Am CinThang, Am Za Go, cih bangin pasal min hi zaw deuh hi.

Awi ; Nau   awi or oih bang a awi; lungzuan lawh, khuangaih lawh; Ciang Za Awi cih bangin numei min hi zaw deuh hi.

Awn ; Lampi awn, a paina ding honsak, Kham Za Awn etc…

 

B…..

Ban; Gual baan, Khan gual tawh kikim

Biak/ Bia; Mai-etna, maivilna, zahtakna, kihtakna, lahna hi. Pau Biak Lian cih bangin pasal

minin kilo zaw deuh hi.

 

C….

Ciang; Kiciang, Kikhol, Kicing, Ciang Khaw Niang cih bangin Numei min hizaw deuh hi.

Cin/cing ; A neih le a lam kicing cih bang hi. Cin pen pasalte’ min hi in, Cing pen numeite’ min hi zaw deuh hi.

 

D….

Dah ; Dahna kahna, dahpa cih bangin, Ciin Dah Vung cih bangin numei pasalah kop le kai a kizang thei

min hi.

Dai ; Gamdai, hi nawnlo, Gam bang dai,

Dal ; Kidalna, kimadalna, maikhakna cih bang hi. Pasal min in kizang zaw hi.

Dawl ;  A sia a pha dawl (thuak)

Deih ;  Na khat peuhpeuh deih, Deih tam, nei nuam, ngah nuam, cih na hi a, Numei lam tawh kisai

zaw deuh hi in, zat khop theih veve hi.

Dem ; Kidemna, ki-elna, kituhna,

Deng ; Zawhna, nuainenna .

Diah ; Kidiah, nopna/dahna-ah kidiah.

Dim ; Hauna, pilna, deihna, kidim, beel sungah tuidim, numei’ min hi zaw deuh hi.

Do ; Galdo, Thuakna tumatuam do kha, phu kha,

Don ; A gal pan a en, gal-et, naucing, kem, numei’ min hi zaw deuh hi.

Dong ; Thu dong, bang hiam cih thei nuam a dong, thu kidongpa/nu pasal min hi zaw deuh,

 

E….

El ; Kihuatna, kimuhdahna,

En, Eng ; Enna, deihgawhna hi a, En pen numei pasal in kikop thei a, Pasal min in kitam zat zaw hi.

 

G….

Gam ; Innmun logam,

Gen ; Thu le la gen, vaihawmna cih bang hi-in pasal lamah kizang zaw deuh hi.

Giak ;  Teeng den, Zan giak, Zan tawlngak lupna.

Giak Giak ; Giah denna.

Gin ; Lam-en, gina, muanna le suanna hi a pasal min hi zaw.

Ging; Gingden (gamlum), Gingta  (lamen) Hong phawng,hong phawksak.

Go, Gawh ; Gawh le lup, tungnun kituhna pawl hi a, Pasal min hi zaw deuh hi. Numei’ minin ki zang khawm thei hi.

Goih ; Naugoihna, thaman guaihna hi a, numei’ min hi zaw deuh hi.

 

H…..

Hang ; Hansan, meidawi lo, lau theilo, cihna hi a, pasal min hi zaw.

Hat ; Thahatna, ngal hatna, sepna bawlna a zo zo diakte cihna hi.

Hau ; Neih le lam kicing a hau, nuamsa, lung hihmawhna nei lo.

Heh ; Lundam lo a hihna, mi khat peuh in hehsak, numei’ min hi zawdeuh hi.

Hen ; Kolbuh khaukhih, nat le sat in hong hen, pasal min hi zaw deuh hi.

Hil ; Ko, thu va ko, va gen, thei sak, kihilna; Hil Tuang, Hil zel cih bangte hi.

Ho ; Ki-it kingaihna, Kithutuahna, Gtn:Thang Ho, cih bang dan.

Hon / Hong; Hong khia, honkhia, Hong zuan hong beel.

Hung ; Pasian in hung, U le nau hung,

Huai ; U le Nau huai, lawm leh gual huai, thukhualna hi a, numei’ min hi zaw deuh hi.

Huat ; Kilem lo, kihuatna, kithutuah theih lohna, pasal min hi zaw deuh hi.

Hum; Sang, Dim, kicing.

 

I…..

It ; Itna, deihsakna

 

K….

Kaang ; Meikang

Kai ; Pawl kai, gual kai, saliang tangseu kai, pasal min hi.

Kam ; Kampha, Daupai, Mei-am sa banga anasia thu genna.

Kan ; A val a kaan’ zaw-in.

Kang’ ; Tawp ta, Heuta, beita.

Kap ; Galman, saman a thahatte’ min, pasal min hi zaw deuh hi.

Khaat ; Hang, kitawi, gualzo. Pasal min hi zaw deuh hi.

Khai ; Muan le suan deuh, kikhai diak, kidawk diak, pasal min.

Kham ; Kikham, amai-ah dal, sik manpha, kham le ngun genna hi.

Khan ; Nuntak hun, khan lai hun, numei pasal zat khop theih.

Khat ; A dang omlo, hih bek, khat bek, pasal’ min hi zaw deuh hi.

Khaw ; Khua tawh kisai, khua le tui-ah.

Khawl ; Tawp, khawlkhawm, gualzawl, kaikhawm, khol.

Khawm ; Kaikhawm, Khol.

Khen ; Gualzawhna, tungnunna, sat zo, khen zo.

Khen ; Khenkhia, kigawmsak lo, Vung Za Khen cih bang.

Khin ; Zo khin, cingkhin, a vekpin a hih khin

Khoi ; Kikhoi, kivakna, kikepna.

Khol ;  Khol , sa-khol, neih le lam hawm

Khual ; Mailamah bangci kalsuan leng cih ngaihsutna tawh kigin kholhna, a baihsa a kikhualna,thukhualna.

Khup ; Mite’ sangin hi zo zaw, makhelh, khup zo.

Kim ; Na khempeuh nei kim, mi tawh kikim.

Kip ; Hi zo den, ling lo, kho zo den, deuleu lo,

Kop ; A kop a thuahin, panpih koppih, kop le kai-in.

 

L….

Lal ; Minthanna, kisaktheihna, kithupit sakna.

Lam ; Neih le lam, inn le lo, sum le paai nei zo, lam zo cih bang dan hi.

Lang ; Sahang lang, sikha lang cih bang ama vang neihna bang kithei, kizel.

Langh ; Kilangh, kithei, kiliah lo.

Lawh ; Lawhna, Phawkna, ngahna kicing.

Leel ; Thugenna, ngaihsutna

Leen ; Kizop kimatna, kikawmna.

Let’ ; Ciangval, dimlet’ khengval.

Liah ; Liahzo, huzo.

Lian ; Liatna, golna, thupina, vang le lim liatna Zalian,vanglian,etc..Pasal le numei in zang khawm thei.

Ling ; Launa, dahna, linglawng.

Lo ; Hilo, kibang lo.

Luah ; Pi le pu, nu le pa’ gamh luahna, ngahna.

Luai ; To kai, thum; beel.

Luan ; Kicinna, ki-etna kivelna, thupiakna,

Lun ; Hauhna phatna, tam, kicing, Numei’ min hi zaw deuh hi.

Lut ; Tum, Thum; bia, Thoih, maivil.

 

M….

Mang ; Vangneihna, Lungsim, pumpi tawldam om, Mang pen pasal numei in kizang kim thei.

Man ; tawldam om, manna, vangneihna, Man pen numei min in kizang deuh.

Mun ; Omna, Mun le gam genna hi.

Mung ; A bulpi, a mungpi, a phungpi.

Muan/Muang; Suanna , Muanna, tunna, belhna.

 

N…..

Nang ; Do in nang kenkan, Dahna, thuakna cih nopna hi.

Nawn ; Hih kik, bawl kik,

Neek ; A lawm a gual nek zo, Gualzo,

Nei/Neih ; Neih le lam genna a kizang hi.

Nem ; Lungkimsak, Lungnuamsak, hehnem thei, lungduai cihna.

Neng ; Simmawh, zawhthawh bawl, nengcip suk.

Ngai/ngaih ; Itna,ngaihna,phawkna ,lungvei na lam a kigen hi.

Ngak ; A sia a pha thei nadinga ngakna.

Ngam ; Hih ngamna, sepngam bawl ngamna, hangsanna.

Ngeek ; Ngeksuah, naupan lai

Ngil ; Mangngilh, phawk nawnlo, Theikha nawnlo,

Ngin ; Kiging, Kiginna, Muanna le suanna.

Ngul/Ngulh ; Lunggulhna, phawkna, lametna.

Nial ; Deih lo, sang lo, hoihsa lo a pia kik.

Nian/Niang ; Gilvah, laivah a kham lua, niang lua.

Niang’ ; Hi ningniang’; Ngaihbanna lam genna. Gtn: Huai sawm niang’, Nu mei min in kizang zaw hi.

Ning ; Zuihna lamah kicing,

No ; Itna ngaihna, pahtawina, nel hona, Gtn: Nuam Khan No. Nu mei min in kizang zawdeuh hi.

Nok ; Kitok nok gawp, nawngkai lua, buaihuai.

Nuam ; Lungkim, lungdam, nuamsa, Nu mei min in kizang zaw hi.

 

O…..

Oih ; Awi, naupai, cih bang dan hi.

 

P….

Pam’ ; Pamaih sakna, iplahna, kitaanna.

Pau ; Pauna, hawmnam Genna, thugen vaihawmna

Pha ; Hoihna phatna, Thupha, diksakna, Pha phan baan, tung zo.

Phung ; Phutna, letna, manna bulpi.

Phut ; Khuam phuh, kipan, kiphut.

Pian/Piang ; A om lo pan a a piang khia, piankhiatna.

Pum ; Cikhat sakhat banga kipum khatna.

 

S…..

San/sang ; Niam lo-in sang, dem hak, tun hak, na khat peuhah sanna.

Sawm ; Tunna, ngimna, sawmna.

Seel ; Im, pulaak lo, liah, keem.

Sial ; Lungsim sungah ngaihsutna, geelna, lungsialna.

Siam ; Dikna, citna, siamna, thupha ngahna.

Sian ; Pasian tawh kisai siangthona, Pasian tapsakna hi.

Sing ; Khangual batna, san zawkna, siam zawkna.

Soi/Son ; Genna, suutna, lelhna, pukna,

Song ; Muang, belhna,

Suah ; Suahkhia, lakhia, Mualsuah zo.

Suak ; Piankhiatna, Suahkhiatna.

Suan ; Muan le suan, munana, belhna.

Suang ;Tung lamah kisuang to, tungnunna, min le vang neihna.

Sum ; Dangka

Suum ;Vangneihna.

Sut ; Kihutna, kiphelhna, kihotna, genna, hawmna.

T…..

Taan ; Ngah kha lo.

Taang ; Pasal

Tan ; Tanzah, ngah zah.

Tawi ; Kipahtawina, ki-itna, tawisanna.

Teel ; Deihzawkna, it zawk a teel

Tel ; Kitheihna, kiphawkna,

Thah/that;  Gammat, samat.

Than/Thang ; Minthanna, kicinna, vang neihna.

Thawn ; Kithawn, kizel, thuhoih, thuhoih lo hanthawn.

Thawng ; Kithawn, mi’ lakah minthanna.

Theu ; Hi nawnlo, tawpta, dai, bei kuan.

Thiau ; Hehna dahna nopna a tuamtuam kilawi.

Thual/ Thuam; Hih kikkik,gim kik,tawl kik,behlap kik.

Tual ; Pianna lamah kiatna mun, suahna mun.

Tuan ; Asim amal sak le khang tuan, zin khiat hatna, tuan vaina, tungtuanna.

Tuang ; Gual tung tuanna, tung nunna, nei zaw, pil zaw, hat zaw.

Tul ; Tul khat (1000), tampi.

Tun; Gal le sa, neih le lam tun.

Tung; Tungnuna, liatzawkna, hauh zawkna.

 

U….

Uap ; Ki uapna,

Uk ; Ukzawhna, tungnunna.

 

V….

Vaai ; Gentheihna, vut le vai

Vaan ; Thu khualna, thuvan.

Vai ; Vaihawmna

Vei ; Gimna, tawlna, thuakna.

Vel ; Etna, Muhna.

Vial ; Hi kawikawi, tuak kawikawi.

Vum/Vung;  Dim, kicing,, tam (Nopna)

Vungh ; Vanglian, min le zaletna.

 

Z…….

Za ; Amal tam a cihna, kicing, zakhat.

Za ; Za khat, (100) tampi.

Zam ; Kizel a zam kawikawi, mi tawh kipawl thei kawikawi.

Zel/Zeel; Kizel zo, kihel zo.

Zen ; Lunggimna, ka duang hong zen, ka lai hong kuai.

Zing ; Lungzinna, khua zing khuavak.

Zo ; Zawhna,gualbawlna, khitna

Zom ; Kizom, Kizui, kimat.

Zuan ; Luangzuan khuangaihna va zuan va neh.

Zui ; A sul zui, anung zui;

 

Etkak : Zangkong Awging

Tedim Times(FB)

Laibu Saal  (FB)